ZONUN - chanchinbu ami tur

Zonun chanchinbu hi tihchhuah regular chu nise hetah hian Chanchinbu thu tarlan thin tum a ni a, mahse an tihchhuah regular theih loh avangin thil eng eng emaw ka han tarlang mai mai ang e.

MUP Salem Unit Hruaitu thar thlan ani:
May ni 7, 2011 (Inrinni) chawhnu khan  Mizo Upa Pawl (MUP), Salem Unit chuan hruaitu thar thlangin, Salem VC member ten inthlan hi an buaipui a ni.

President                      -           Pu PL.Lianzuala

Vice President              -           Pu K.Zairema

Secretary                      -           Pu C.Nghakliana

Asst.Secretary              -           Pu K.Kaphranga

Treasurer                     -           Pu B.Laiveta

Fin. Secretary               -           Pu P.Laldingliana

He inthlana Returning Officer  Pu Lalramliana VCP chuan thusawiin, MUP te chu veng chhunga NGO dangte nen khaikhin pawhin  tar chaklo leh  \anpui mamawh berte an nih laiin khawtlang hruaitu VC te  hnenah erawh mamawh  thlen khat ber an nih thu a sawi a.   Khawtlang hruaitute chuan Upa-te chu an ngaipawimawh  hle a ni tih pawh sawiin, kumin-ah pawh Upa-ho puala hun hlimawm tak hman dan tur lo ruahman tura ngenin, heng atana senso mamawhte pawh VC te chuan ngaihtuahpui  an inhuam thu a sawi lang bawk. A sawi zelna-ah VCP chuan  hun  lokal zel turah pawh veng chhungah hian Kum upa zawkte inkawm hlimna hmun tur atan an pualin ‘Upa Chawlhbuk’ neih theih dante ngaihtuahho thaa a hriat thu te pawh a sawi bawk.

SB ram lei tum chungchang kha..

Kan sawi fo tawh angin, kan Bialtu MLA hmalakpuina-in  Salem veng chhunga Special Bureau (Central Department) ram chu lei tum a hmalak mek zel a ni. He ram lei nan hian Bialtu MLA, Pu S.Laldingliana (Parliamentary Secretary) chuan ` 15,00,000 (Cheng Nuai sawm panga) hman nghal theih turin min ruahmansak diam tawh a, a ram neitu SB deptt. la inpeih fel loh avangin tun  thlengin kan la lei thei rih lo a ni.

Hemi chungchangah hian VC te chuan  theihtawpin hma an la chhunzawm zela,  ram lei tur hi tihfel a nih tak lawk loh avanga sum ruahmante pawh thil danga atan pawh pen a nih mai loh nan  VC te  chuan theihtawpa Bialtu MLA pawh ngen nawn lehin, MLA pawh hian Minister leh official dangte  zahawm hle mahse, theihtawpa lo la humsak hram hram min tiam a kan lawm tak zet a ni.

Tunah hian Delhi a\anga he SB ram dinhmun kimchang thawn thla leh tura Department an rawn hriattir angin Revenue Dept. ah Land Valuation / Assessment buaipui leh mek a ni a, heng hi tihfel a nih veleh Delhi lamah thawn thla lehin  ram hi lei theih tura peihfel  a nih a beiseiawm tawh viau. Veng mipuite mahni \an theihna zawn zawnah \angho ila, \an ngaihna hre vaklo te pawhin \awng\ai talin \an ila ho zel ang aw.

Mahatma Gandhi NREGS Report:

Kum 2011-2011 chhung atan  Mahatma Gandhi NREGS hnuaiah inhlawhna chu a \um khatna thawh a ni leh ta. Tun \umah hian ni 10 chhung inhlawh a ni a, mi pakhatin `129 zel hlawh ang kan ni. Hlawh pawh sem fel a ni tawh bawk.

Tuna Salem veng dinhmun thar  berah hian Mahatma Gandhi NREGS hnuaiah hian Job Card nei inhlawh thei chhungkaw 333 awmin,   Job Card dilsak mek a\angin chhungkaw 5 leh hmun dang a\anga rawn transfer chhung 2 an awm belh leh dawn bawk (Hengte hi an la inhlawh theih chiah rih lo).  Job Card transfer thar leh siam thar zawng zawngte hian  Rural Bank, AOC-ah NREGS Account hi a rang thei ang bera hawngin, an account No. chu VCP hnenah hriattir vat tur. Heng a hnuai amite hi tuna inhlawhna hnuhnung berah khan an inhlawh ve hman lo, Job Card nei thar leh Transfer fel tawhte an ni

A thar :- C.Lalbuatsaihi, Hmingthankhumi, Lalkunga, Lalthangkhuma, R.Lalduhawma.

Veng dang a\anga transfer:-  Sabbath Thanga leh C.Lalbiakzami

( Hriat ve mai mai atan :  NREGS kan tih hi ‘Mahatma Gandhi NREGS’ tia ziaka lam tur a ni a,  Mahatma Gandhi tih hi lam tawia MG tih ringawt pawh an phal lo, a lam puma ziah zel tur a ni – an ti)

Hmeichhia-te tan PWDVA 2005

India ramah hian hmeichhia, inchhungkhura an pasalte lakah (pasala chhungte pawh nise) harsatna leh tihduhdah tuar  an nih chuan, he dan - PWDVA 2005 hnuaiah hian  hmeichhiate  venhim leh humhalhna tur chipchiar tak duan a ni. Inchhungkhura tihduhdahna tuar hmeichhiate chuan  Mizoram Sorkar-in a bika Officer a ruat, a hnuaia hming tarlan hnenah hian an duh chuan an harsatna an thlen thei a, anin kawng lo kawhhmuhin a \anpui thei \hin.

Lunglei District bika harsatna thlenna tur            :-          Nukungi

                                                                                    District Social Welfare Officer

                                                                                    Phone:  9436153122