Veng chhung mi ten kan veng chhung chanchin leh VC hmalakna kan hriat zung zung theih nan he Blog hi kan han siam ve tak na a, tunah chuan buaipuitu ber hi VC member (Constable) mai kan nih tak avangin VC hmalak dan kim chang pawh kan hre pha ve ta mang chiah lova. Dik hlel deuh va thil tarlan palhte a awm theih dawn avangin he Blog pawh hi kan Up-Date mumal thei dawn ta lo a nih hi. Tuna kan VC thuneihna changtu ten tul an ti a nih chuan an lo buaipui chho ve leh mai ang chu maw....
Village Council : Salem
Since 1997
Wednesday, April 11, 2012
Tuesday, February 21, 2012
Community Toilet kan nei ta.
Salem veng chuan veng tam takin an neih loh, Van tlang Inthiarna (Community Sanitary Complex) mawi tak kan nei ta. He Vantlang inthiarna hi veng chung hmun lai-li lai tak, VC House bulah sak a ni a, Zalen taka hman tura ruahman erawh a ni lo. YMA emaw NGO eng ber emaw an enkawl ang a, a dun apiangte tan man chawia inthiar theih a ni ang. A man tur pawh hman theih a nih veleh bithliah tur a ni.
Hei Vantlang inthiarna hi Bialtu MLA hmalakpuina azarah kan VC te chuan PHE Department kal tlanga Central Scheme - TFC hnuaia a hmuh a ni. Tui Connection la peih fel loh a nih avangin tunah chuan hman tan theih a la ni lova, hun reilote hnuah hman theih thuai beisei a ni.
Hei Vantlang inthiarna hi Bialtu MLA hmalakpuina azarah kan VC te chuan PHE Department kal tlanga Central Scheme - TFC hnuaia a hmuh a ni. Tui Connection la peih fel loh a nih avangin tunah chuan hman tan theih a la ni lova, hun reilote hnuah hman theih thuai beisei a ni.
Wednesday, December 7, 2011
Salem Upa Pawlin Record thar a siam.
Mizo Upa Pawl (MUP) Salem Unit, Lunglei chuan tun hnai khan an member zawng zawng ten Life membership neiin Mizoram Record thar an siam . MUP hruaitute hnen atanga thudawn danin MUP bika hian Mizorama Unit hrang hrangah leh khawvel huap pawhin Unit member zawng zawng Life member ni thei hi an awm hriat a la ni lo. MUP Unit ten hetianga member zawng zawng Life members an nih theihna hi Mizorama a thlenna hmasa ber Record a ni. Pawl hrang hrang zingah pawh ram pum huap pawl lian thamah chuan hetiang record hi a thlen hriat a la ni lo. (World Record a ni thei a ngem?)
Salem MUP Unit hian October thla-a Intihhlimna Unit pum huapa an neih tumah Member tinte Life member ni thei tura hmalakna hi kalpui nise tiin he huna thusawitu Salem VCP Pu Lalramliana chuan rawtin, theih tawpa VC atang pawha hmalakpui an inhuam thu a sawi a, a rawtna ang hian MUP hruaitute pawhin hma lak chhunzawm nghalin Life membership Drive neih a ni ta a ni.
Tunah hian Salem veng MUP Unit-ah hian member 92 awmin, hun hmasa lamah Patron member 2 leh Life member 10 an nisa tawh a; tun tuma hmalakna (Total Life membership Drive)-ah hian a bak member dang zawng mi 80 te hian Life membership fee pe tharin member zawng zawng Life Member an ni ta a ni. Salem MUP hruaitute chuan hetiang dinhmun chang thei tura anmahni finchhuahtu leh a tul anga tanpuitu VC memberte chungah an lawm tak zet tih an sawi bawk.
Friday, November 25, 2011
Thlanmual-ah Step rem a ni leh ta
Salem Day-ah Mizo Idol
Dt.17.12.2011-a Salem Day hmanna turah Mizo Idol Lalthuthaa Saiha leh TBC Lalsanglura Thenzawl te chu sawm nise tia Committee-in a rel angin Co-ordination Committee Secretary Pu Fimrosanga leh Vice Chairman Pu Lalramliana te chuan Committee aiawhin nimin Dt.24.11.2011 (Ningani) tlai khan Mizo Idol Top 10 Lunglei-a rawn kalte chu an thlenna ‘Elite Hotel’ ah an va hmu a, Committee-in anmahni kan beisei angin harsatna dang a awm thar leh a nih loh chuan Salem Day-a rawn tel theih an tum thu heng zaithiam pahnihte hian an sawi.
Hotel-a khawtlang hruaitu ten an va hmuhna-ah hian Mizo Idol Top 10 te an lo kim hle a, Co-ordination Secretary Pu Fima chuan Judith Lalremruati a chibai theih hlauh avangin he chanchin ziah lai thleng hian a kut a la sil lo nia thudawn a ni. Co-ordination Committee Chairman Pu Ngentluanga chu office buai avanga Idol te biakna-ah a kal ve hman loh avangin Pu Fima hian Judith-i a chibaina kut hian Pu Ngena a chibai ve leh chhawng a, Pu Ngena pawh a hlim hle. Heng Idol Lunglei-a lokalte biakna hun remchang awm thei tura anmahni Sponsor-tu YAMAHA Agent H.Thangrenga & Sons ten ruahmanna an lo siam avangin Khawtlang hruaitute pawh an lawm hle bawk.
Tunah hian Vuantea (Pukpui Rapper) chu Salem Day-a tel tur hian biak fel a ni tawh bawk a, C.laltanpuia of Buarpui (Comedian) pawh tum 2/3 phone hmanga dawr tawh niin, lokal tura beisei a ni bawk. Uaa nuam dawn em… nuam dawn em… Uaa nuam dawn emmm!!
Dt.26.11.2011 (Inrinni) chawhnu dar 1:00 hian Salem Day chungchanga ruahmanna kimchang zawk duang turin Co-ordination Committee chu an thukhawm leh dawn a, chanchin tarlan chhunzawm zel a ni ang.
Friday, November 18, 2011
MLA-in kan veng a rawn tlawh
18th nov.2011: Tukin zing khan VC te ngenna angin Bialtu MLA Pu S.laldingliana chuan Salem veng chhunga hmasawnna thenkhatte a hmunah rawn enin, BCM Salem Biak In hnuaia Salem - Ramthar inkalpawhna (Internal Road) Black top zawh fel tak chu a hmun ngeiah a rawn zawh.
Subscribe to:
Posts (Atom)