A BIK TAKIN HNAM DANG TAN......Salem VC chuan thuchhuah a siam angin veng chhung a lo ralmuan zawk nan leh mipuite kan him zawk nan hnam dang mi, veng pawn lam atanga sumdawng lo kal thinte leh vai (Thirchhe zawng, cooker siam, Gas chhe siam etc) reng reng veng chhungah an vah vel a khap tlat a.
An duh chuan Inbrinni-ah chauh Salem veng chhungah sumdawngin an vak kual thei ang. He thupek zawm lote chu a tul dan a zirin thunun tur an ni. He thupek hian March 2011 thla ral hma a huam ang.
UI VULHTUTE HRIAT TUR........ DC thupek dinglai bawhzuiin Salem VC chuan veng chhunga ui vulhtu zawng zawngte chu an ui thlung vek turin a hriat nawntir leh a, thupek zawm lova ui vahchhuahtirte chu Rs. 500 thleng chawitir theih an ni.
VC chuan chak leh khauh zawkin he thupek hi bawhzui a tum a, veng chhunga Ui vulh Census neiin zawh fel a ni tawh. NGOs nen tang rualin Ui vulhtute hnenah ngenna lehkha sem vek a ni ang a, chumi hnua thupek la zawmlo an awm fo a nih chuan khawng taka kalpui a ni tawh ang.
(Ui vulh si thlung duh tlatlo-te avang hian khawlai pawh a trawpin, ui ek leh Sanitary towel tenawm tak tak kawng dungah uiin an lo pu chhuak thrin a, a tenawm tlat thrin)
TUIKHUR HUMHALH THU-AH .... Veng chhunga tuikhur awm - Aikha, BMP tuikhur leh Pu Bana in bul tuikhurah te insuk, inbual leh Motor-a tui chawi khap tlat a ni. Hei hi zawm duh lova tilui an awm chuan anmahni hming leh an insuk/inbual darkar chiang takin VC -ah report thin tur a ni.
Khua a thralin tui a harsa chho mek zel a, mipuite hmakhua ngaia he khapna hi siam a nih angin mi tin ten zawm ngei tur a ni.
No comments:
Post a Comment