VC -in Anganwadi hmun tur lei ta

       Khawtlang mamawhna hria-in Pu PC.Lallunghnema te chhungkua chuan Anganwadi hmun tur atan hian an ram chu tlawmte-in VC te an leitir avangin  Anganwadi Center-II chu kan hum thei dawn ta e.

       Salem veng chhunga hian Anganwadi Center 2 awmin, Center -II zawk hi  a hmun-hma kan la neih loh avangin Department lam atanga hriattirna vawi duai lo dawngin, February 2011 chhung ngeia a hmun tur kan neih theih loh chuan sawn chhuah mai tur a nih thu hriattir kan ni. Salem veng chhungah hmun ruak Anganwadi hmun tur a awm tawh ngang si lova, mangang taka kan awm hnuah Rs.25000/- lekin Pu Hnema te chhungkua chuan khawtlang tan an ram min leitir ta a, a lawmawm hle mai.

    Tunah hian VC House hnuaiah Anganwadi Center-II hi an kai thin a,  a hmun tur kan neih takah chuan Building grant pawh kan dawng thuai turah kan ngei.

     Tunah hian he Center -II ah hian Pu C.Lallungmuana VC Treasurer chu Chairman ni mekin, Pi Parteii  w/o Robert Lalfakzuala chu  Worker a ni a, Pi Lalmalsawmi w/o Pu C.Lalthanzuala chu Helper a ni bawk.