Salem veng chhunga internal road pawimawh tak BCM Salem Biak In hnuai, Pu PC Nundanga in bul atanga Ramthar veng - Pu Thanchunga in inkar kawng chu tun VC term-a a laih zauh hna thawh fel a nih hnuin tunlai hian Black topping ti turin PWD lam chuan hma an rawn la tan ta. Fur chhiat zual hmain, May 2011 chhung hi chuan rawn timam hman ngei tura beisei a ni.
Bialtu MLA, Pu S.Laldingliana hmalakpuina zarah helai kawng hi Alkatra luan ngeiin kan timam thei dawn ta a, VC lam chuan helai kawng laih zauh nan leh mi ram la heka Retain sak leh nan hian Cheng Nuai 3 chuang fe a seng ral tawh a ni. Tunah pawh PWD lam indaih lohna avangin hna thawh thuai thuai theih a ni si lova, VC lam chuan a theih ang anga Boulder te lo lei lawkin, hnatlangin thiar lawk a ni bawk a. Tunah hian Department lamin kut thlak tanin, hma an la chhunzawm zel tawh tura beisei a ni. Helai kawng hi Black top a nih hun chuan veng chhung hmasawnna pawimawh tak a ni ang a, BCM Salem kohhran tan tak pawh a nghahhlelhawm lehzual ang.
He kawng a tlang theihna tur atan hian kawng laih zauh ngaihna laia ram neitute an inphal/inhawng em em a, khawtlang hruaitute ngenna chu veng chhung hmakhaw ngai takin an 'Yes' theih zel bakah phal takin an ram lak hek pawh an remti thei zel a, a lawmawm tak zet a ni. BCM Kohhran hruaitute pawhin inhawng takin khawtlang hruaitute thu leh hla an pawmpui thei zel bawk a, a lawmawm takzet a ni. Tun hmaa Maruti800 tlan tlang thei hram hram kha tunah chuan TATA 407 a tlan thei han han tawh a ni.
A bul berah chuan veng chhung mipuite inlungrualna avanga veng hmasawnna chak taka kal thei a nih hi hre tlang ila, inlungrualna leh thawhhona thra a awm loh chuan hmasawnna kawnga hmalak hi a khirh em em a ni.
No comments:
Post a Comment