Salem VCP-in YMA kumpuan a hawng

 7th Apr. 2011 hian Salem Hall, Salem veng Lunglei -ah YMA Kumpuan hawnna neih a nih rualin HIV –AIDS chungchang leh ruihhlo \hatlohna kawng hrang hrang inzirtir hun hlawk thlak tak hman a ni.

'Khawtlang nun siamthat' tih hmanga YMA Kumpuan  hawnna hun Branch YMA Salem buatsaihah hian VCP Salem  Pu Lalramliana chuan  kumpuan hi hawngin, kumpuan Committee hmalakna atan Village Council atangin Rs.5000 (Sang nga) Branch YMA President Pu Ngentluanga hnenah a hlan nghal.   

  

He Programme-a tel member kum 14 – 25 inkar te hnenah Banch YMA chuan lawman pawisa fai a hlan theuh a,  Refreshment tuihnai tak nen hun hlimawm tak hman a ni.

    

Kumpuan hawnna inkhawm tawi neih hmasakah, kumpuan hawngtu Salem VCP chuan thusawiin Khawtlang nun siam\hat chu VC ang pawha hna pawimawh hmasa ber a nih avangin YMA ten kumpuan-a an nei chu lawmawm a tih thu a sawi a, khawtlang hmasawnna hi a mihring chengte nun siam \hat a nih si loh chuan hmasawnna awmze neilo a ni a ti. Chuvangin Step leh Retaining Wall siam nan ringawt pawh cheng Nuai chuang kan seng a nih chuan Mihring siamna tur a tan chuan hei aia nasa-in sum pawh kan insengso tur a ni a ti bawk.  HSLC Result chhuak-ah veng chhung a\anga Passed tharte hnenah VC Secretary Pu Fimrosanga chuan lawmpuina thilpek a hlan nghal bawk

            Hemi hnu lama Awareness campaign neih zuiah Lunglei Civil Hospital-a Mobile ICTC Campaigner te bakah Grace Society a\angin thawktu engemawzatin zirtirna hun an hmang a, Power Point presentation hmangin uluk taka inzirtirna hun hman a ni.

Kumpuan hawnna leh Awareness programme-ah hian mi 100 vel kalkhawmin  hun hlawk tak hman a ni. Kumpuan hawngtu Salem VCP –in a sawi zelna-ah ‘veng leh ram chhung ropuina chu a mihring ten an nunchang an hloh si chuang awmzia a nei lova, Great Wall of China hung chhunga cheng ‘Hneh theih loh nun’ neitu nia inngaite pawh  an nungchang an hloh avangin an kulh lungrem pakhat pawh chhu chim lovin hmelma ten an hneh thei a, chuvangin kan nungchang ngaipawimawh hmasa ber ila, mihring kan changkan chuan veng a changkang mai dawn a ni’ a ti.  ( Dik ti em emin Mipui an bu rual suau suau  )