Salem MUP te Intihhlimna hun

15^th Sept. 2011 (Ningani) khan Salem Mizo Upa Pawl (MUP) te chuan  chawhnu lamah intihhlimna hun hmangin  tlaiah chawhlui an kilho nghal. He hun hi Salem VC memberte pawhin kim takin an telpui a ni.

 MUP te hian FAI ZUAL THLA bawh zui nan chawhma lamah veng chhung tihfai hnatlang thawkin member an thawkchhuak tha hle. Khua a chhiat avangin an tum angin an thawk tam thei lova, pawi an ti hle.

Chawhnu lama an intihhlimna hunah hian MUP Sub Hqrs. President Pu B.Lalchungnunga chuan rawn hmanpuii, ani bakah Pu KT.Chhawna  ‘Upa Thu-hla’ Jt.Editor pawhin a rawn tawiawm bawk. He hunah hian Salem veng chhunga NGOs – MHIP leh YMA hruaitute bakah VC memberte pawh sawm an nih angin an tel tha hle.

He hun hmanpuitu VCP Pu Lalramliana pawhin thu sawiin, Upa te chu khawtlang tan an hlu em em a, tangkaina nei tawhlo leh michuang ang maia inngaihna nei lo turin a fuih. Khawtlang enkawlna kawngah pawh Up ate chu an tawnhriat atanga thurawn tur tha tak tak an neihah chuan VC te pawh inthlahrung lova thurawn pe thin turin a ngen a ni.  A sawi zelna-ah VCP chuan khawtlanga inlungrualna avangin Salem veng chu veng upa leh lian zawkte pawhin an thlir leh entawn kan ni thei ta chu lawmawm a tih thu sawiin, khawtlang hruaitu leh NGO te pawh duhthusam tling tumah erawh kana wm loh avangin  kan tlin lohna lai leh fel lohna laiah a ruka insawichhia a inrel fo lo hian kan  tih that lai leh hlawhtlinna-ah te lawmthu inhrilh tawnin  intiphur zel ang u a ti.  Tin, Salem hi veng hmasawn, veng fai,  mihring chengte pawh rilru dik leh hmasawn kan nihna hi sawi lang fo ila… chuta tang chuan mipuite pawhin chutiang anga nun chu kan tum zel zawk ang…. Moral chhe lutuk anga kan insawi fo hian keimahni kan intihmualpho bakah  kan nihna tak takah ngaiin kan rilru pawh a  zuai phah fo a ni a ti.

MUP intihhlimna hunah hian member ten Item hlimawm tak tak buatsaihin, Kum 90  tling tawh Pi Tuanzingi (Pu PK.Hluna Nu) chu chawimawina  an hlan bawk. Pi Kapbawihi leh Pi Vuli Duet chu lawm a hlawh hle a, Pu R.Robuangan  tuipui ral twang a thusawi chu Pi Lalvuanin mipuite hriat theih turin Mizo tawngin a let a, a bengvar thlak hle bawk.

Salem veng chhungah hian Mizo Upa Pawl member 90 awm mekin, intihhlimna ni-ah hian 50 chuang an kal a ni. VCP Pu Lalramliana chuan  “Salem MUP member zawng zawngte chu Life member-ah awm turin hmalak nise, Sum harsat avanga ni thei lote chu ngaihtuahpui an ni ang a, Lunglei District-ah Record I siam the ang u”  a tih chuan MUP memberte pawh a cho phur hle.