Nirmal gram Paruskar-ah Central Team lokal

Central atanga khaw fai thlanchhuah zingah kan tel ve avangin Central team te chuan October thla tir khan veng chhung an rawn endik a. Hetah hian Central team member 2 te lokalin, PHE Dept. atangin an rawn tawiawm bawk. 

Central team te hian School hrang hrang  inthiarna, bakah anganwadi inthiarnate ngun takin an endik a, veng chhunga chhung tinte dinhmun pawh ngun takin an zirchiang bawk.  YMA hotute leh VC ten Central team lokalte hi an lo dawng sawng a, VC Secretary Inah thingpui an inpui bawk. Beiseina sang tak nen  India ram khawfai lawman dawng ve ngei turin i han inbeisei lawk ve ngawt teh ang.

Lawmman dawng pha zingah kan tel hlauh a nih chuan thuziak mawi tak bakah Rs. 100000 (Nuai khat) lawman hian a keng tel dawn bawk a ni. Lunglei khawpui chhung atang chuan Salem leh Pukpui te endik turah hian kan lang ve a, khaw pawn lam deuhah Lungpuizawl a tel ve bawk.