18th nov.2011: Tukin zing khan VC te ngenna angin Bialtu MLA Pu S.laldingliana chuan Salem veng chhunga hmasawnna thenkhatte a hmunah rawn enin, BCM Salem Biak In hnuaia Salem - Ramthar inkalpawhna (Internal Road) Black top zawh fel tak chu a hmun ngeiah a rawn zawh.
MLA hi koh phei man a awm leh khawp mai! He internal road a rawn en rual hian he kawng chhuntu Step, Pu Chalhlira In - Pu C.Sangthanga in inkar leh Salem road atang BCM Salem pan thlakna Step te chu Cheaquer Tile phah a nih theih nan hma min lakpui nghal a tum thu khawtlang hruaitute hma-ah a sawi nghal a, a lawmawm tak zet.
Helai internal road hi VC ten a laih zauh hna thawkin, Retaining wall te siam a nih hnu-ah Bialtu MLA hmalakpuina avangin PWD atanga Blacktop hna hi thawh a ni.
Helai internal road hi VC ten a laih zauh hna thawkin, Retaining wall te siam a nih hnu-ah Bialtu MLA hmalakpuina avangin PWD atanga Blacktop hna hi thawh a ni.
Pu S.Dinga chuan salem veng chu veng lungrual tak an nih avangin hmasawnna pawh chak takin hmeuh theiha a lan thu a sawi a, khawtlanga pawl hrang hrangte leh VC te thawhhona tha tak chu fakawm a tih thu sawiin, a bial chhung khaw dangah pawh Salem veng chu veng dangte fuih nan a hmang thin tih a sawi bawk.
Tukin zingah hian VCP, Pu B.Lalramliana inah Public Interview nei nghalin, veng chhunga amah be duhte tan an mamawhte thlenna hun remchang tak neih a ni.
Tin, Salem Day Dt.17.12.2011 -a kan neih tur chungchangah pawh Khualliana sawm a nih angin lo hman hram a tum thu sawiin, sum leh paiah pawh indaihlohna a nasat viau chuan theihtawpa min tanpui a inhuam thu pawh a sawi bawk. Bialtu MLA hian veng dangte ai pawhin min ngaihzawk bik emaw... tih mai turin Salem vengin kan mamawh kan thlente a ngaihven em em zel a, khawtlang hruaitute pawh an lawm hle a ni.
No comments:
Post a Comment