Village Couincil chuan 12th Finance Commission atanga Village Development Fund Rs. 300000/- a dawn tur hmangin veng chhunga Aikha kawr hnar-ah Market Shed sak tuma hmalak mek a ni.
Veng chhungah hian chawhmeh zawrh tur hmun dang dang atanga lo lutte kawng kamah phoa zawrh mai thin a ni a, hei hi hriselna kawngah leh thianghlimna chungchangah a fel loh avangin VC te chuan Market Shed hi ngaihpawimawh hmasak tulin a hria a ni. Market shed hi peihfel a nih hunah chuan Chawhmeh zawrhna dawhkan engemawzat siam a ni anga, Sa zuar duhte tan pawh hmun ruahman tum a nih bakah, Second hand dawr ilo pawh ruahman theih beisei a ni.
Tunah hian JCB hmangin a hmun tur hi laih zawh a ni tawh a, lung hem thlak ngai a awm avangin hlawhfa tha hmanga a hmunhma siam rem mek zel a ni.
Market shed sakna tur hmun hi kawr kap a ni na-in, hmun ruak dang a awm tawh si loh avangin kawr kana sak tum a ni a, tuikhur hnar a nih bawk avangin bawlhhlawh paih fimkhur erawh a ngai hle ang.
a va lawmawm dawn ve...chawhmeh dawr thianghlim leh fai nei ila, veng dang pawhin 'salem ah i bazar ang, an thlai a thianghlima, a tharlam bawk' han ti luai luai teh se
ReplyDelete