NYK & MHIP Salem branch hmalakna-a Salem veng chhunga chawlhkar khat chhung Training on Food Processing chu Dt.26.8.2011 (Zirtawpni) khan khar a ni ta.
He Training kharna programme hi NYK Youth Co-ordinator Pi Mercy Selate chuan rawn hmanpuiin, Salem VCP Pu Lalramliana pawhin he hun hi a hmanpui bawk. He huna hian NYK hotunu Pi Mercy chuan thu sawiin, Ei-siam thiamte chu khawvel ram changkangah pawh hlawh tam tak takin hnathawh tur a awm reng a, he lam zawng hian rilru pu ila tha a tih thu a sawi a, amah ngei pawhin India ram chhung leh ram pawn thleng pawha a experience atangin eisiam kawnga mithiamte tan hna remchang a tam zia a hriat thu a sawi. Thusawitu dang VCP pawhin Nuho ten hetiang programme ruahman nachang an hria chu lawmawm a tih thu sawiin, Chhungkaw ei reltu ber an nih avanga training neih tul tak a ni tiin, vawksa tih loh chu chum tawpa tui tak hi a van avangin a siam dan azira chhungkaw pa ber leh fate pawh tui ti taka hrai theitu tur an nih avangin an thil training chu hlawkpui ngei se a duh tih a sawi.
He Training kharan hunah hian chawlhkar khat chhunga training nei mi 36 te hnenah Certificate hlan vek an ni a, he an thil zirna-a an ei siamte pawh kalkhawmte hian ei chhinin a tui hle.
No comments:
Post a Comment