Vawiin, ram zalenna ni 15th Aug 2011 chawhnu dar 2:00 khan Salem Village Council hruaitute huaihawt a VC leh NGO hruaitute (YMA, MUP & MHIP office bearers) inkawmhona chuan kum tawpah ropui taka Salem Day hman an rel.
He Joint meeting-a rel a nih angin-
FAI ZUAL THLA : Faina leh thianghlimna kawngah mipuite rilru chawk tho turin 'Fai Zual Thla' atan September thla hi puan tum a ni. He hunah hi chuan hun dang zawng aiin uar leh zuala Faina chungchangah Pawl, Chhungkua, Kohhran leh Mimal anga hmalak tum a ni a, a theih angin lawmman te pawh ruahman a ni ang. Alo bawhzui turin Committee din nghal a ni.
SALEM - DAY : Kumin kum tawp lamah hian veng chhung mipui ten awm-ni-khama 'Salem Day' hman nise. He ni-ah hian Bialtu MLA pawh sawmin nilenga Programme ruahman nise. He ni hi veng mipuite infuih tharna hun tangkai takah hman a ni thei dawn a ni. A remchan chuan Tleirawl/Rawlthar Sports (Juvenile Sports) School chawlh laia hman thin nen pawh kaihkawp a rem mai thei. Nuam viau ang... Ruai pawh kan threh maithei a ni. Tel hman ngei turin hmun danga awmte pawh inpuahchah lawk tur.
Heng bakah hian veng chhung inrelbawlna chungchangah - Ruitheih thil chungchang te, veng chhunga hnam dang awmte chungchang te, Ui khuahkhirh chungchang te leh thil dang tam tak vawiin hian khawtlang chungchangah sawiho a ni. Tlai-ah chawhlui kilho a ni.
No comments:
Post a Comment