ZU fun 2 man a ni

Vawiin tlai dar 3:30 vel khan Salem YMA Kumpuan Committee te chuan Zu fun hnih, mi thuhruk  an man. Heng 'Zu' Polythene-a fun man takte hi Pu Chhantiama  in bul, tuiluankawr bulah ip duma inkhungin thuhruk a ni a, Pi Rinpuii  Zu a ni tih finfiah nghal a ni bawk.

Kumpuan Committee hruaitu threnkhatte chuan  Pi Rinpuiin he Zu thuhrukna hmuna a kal leh thil a lak lai an hmuh avangin helai hmun hi an zu endik nghal a, heng zu fun, ip chhunga inthun chu hmuh a ni ta a ni. Kumpuan Committee hruaitute hian  Zu neitu nia hriat hi ko nghalin, Co-ordination Committee te hmaah zawhfiah a ni a, amah Pi Rinpuii pawhin a ta a ni tih a pha lo.

Zu neitu  hi  YMA te pawhin vawi engemawzat a 'zu' an lo mansak tawh a ni a, amah ngei pawhin ziaka intiamkamna nen Zu zuar tawh lo tura intiam a nih avangin hetiang zu mansak a ni leh ta hi YMA hotute pawh an thinrim hle. A rang lama Committee meeting neih thuai tum a niin, hetah hian engtia hmalak tur nge sawiho a ni ang. Amah Pi Rinpuii sawi danin,  Zirtawpni Dt.2/9/2011 zan khan an thriante nen Hauruangah Zu Fun 5 an la a,  chuta an zu lak an la in zawh loh chu niin a sawi.