India rama khawfai lawmman dawng thei tura rawt (Nominate) zingah Salem veng kan tel ve leh ta! He Khawfai lawmman -Nirmal Gram Paruskar hi Central Sorkar hmalaknain ram chhunga khaw fai leh thianghlim bik engemawzatte hnenah pek an ni thrin a. PHE department hmalakna hnuaiah Mizoram sorkar chuan kalpuiin he lawmman dil pha chin tur thlan chhuah zingah Salem veng chu kan lang ve leh ta a ni.
A lawmawm hle mai. Nimkum lamah pawh khan Salem veng hi endik tlak zingah thlan chhuah kan lo ni tawh a. Amaherawhchu, he endikna tehfung hrang hrangah hian veng chhung khawlai faina mai piah lamah zirna In hrang hranga Zun-In leh Ek-In mumal tak neih leh vawn thianghlimte chu tehfung pawimawh tak niin, BPL chhungkua te pawh an invawn thianghlim dan endik a ni bawk thrin. Heng an tehfung pawimawh threnkhatah hian kan lo thianghlim tawk loh avangin, veng chhung khawlai a fai viau laiin lawmman kan dawng pha ta lo kha a ni a... Kuminah hian thlan tlak zinga telh kan nih leh avang hian chhung tinte leh Zirna In hrang hrangte pawhin theih tawpa tran kan lak a trul hle a ni.
Hriat sual loh chuan Lunglei khawpui chhungah hian Salem veng leh Pukpui hi hetianga Veng Fai endik tlaka thlan zinga tel kan nih avangin thrahnemngai taka hmalak tlan chuan lawmman dawn theihna CHANCE pawh a sang hle a ni.
He khawfai lawmman hian Rs.100000/- (Nuai Khat) leh thuziak a keng tel a, chung zawng ai pawh chuan a hlu ber zawk Hmingthratna kan chan ngei theih nan mimal, chhungkua, kohhran, Pawl hrang hrang leh VC te chuan theihtawp kan chhuah tlan a va trul tak em.........
No comments:
Post a Comment