Anganwadi Centre-II sak tan a ni

Hun rei tak Anganwadi Centre-II hi a hmun leh Building kan neih theih loh hnuah tunah chuan ICDS atangin VC ten Building sak nan hian Rs.160000/- (Nuai khat singruk) va ngen chhuakin Building sak hna kalpui mek a ni. 
Tarlan tawh angina VC te chuan a hmun tur hi Rs.250000/- sengin mimal ram a lo lei tawh a, tunah hian Sorkar atanga Building sakna tur a hmuh hian  sak zawh theih a nih dawn loh avangin, mipui ten kan sum thawhkhawm atanga kan belh nual pawh a ngaih hmel hle a ni.

Anganwadi Building hi  a dung Feet 24, a vang feet 15-a sak mek a ni a. A ban leh Beam hi RCC a tih niin, zawh fel a ni tawh. Tunah hian rel chhoh tan mek a ni a, VC member Pu HS.Hminga chuan sum renchem taka hmangin a enkawl mek a ni. Building-ah hian Toilet, Store room, Wash Basin leh Thuk siam tel a ngaih nghal a vangin sum sen ngai tur pawh a tam deuh dawn a ni. Engpawh nise, Centre chhuhsak mai hlauthawng renga awm thin kha, tunah chuan Building kan han nei thei dawn ta niin a lang ta a, Workers Pi Partei  leh Pi Malsawmi te pawh an tan zual sauh sauh a ngai dawn a ni.