Salem Thlan Mual chei that a ni

VC leh YMA te bul hmalakna zarah tunah hian Salem Thlan Mual chu chei that hna zawhfel a ni ta a, a lawmawm hle. Hetah hian Salem mipui kan lungrual zia heath pawh hian a lang chiang hle.

VC ten sum sen ngai turte ngaihtuahin, YMA lamin  thil tul dang zawng zawng an buaipui a,  Thlan lung phuntu chhungkuate hnenah an remtihna dilin Lungl phuntute pawhin rilru zau taka khawtlang hruaitute ngenna an hriatthiam avangin Thlan Mual chei hna zawhfel a lo nit a hi a lawmawm hle. Mistiri Association pawhin ni khawt nileng hnatlangin Thlan Mual siam hna hi an thawk a, inlungrualna zarah sum sen pawh tam lutuk lovin Rs. 400000 (Sing li) zet zawt chauh kan sengral a ni.

Tunah chuan thlan lungrem inrual tlang taka siamin, thlan lung rem sir pawh inrual taka siam a nih bakah  Thlan lung hawi dan inanglo te pawh hawi zawng inanga siam fel vek a ni.  Thlan tam tak lungrem vaw thiatin a thara rem that leh a ni a,  hun lo kal leh zel turah pawh thlan siam leh zel turte pawhin  YMA te rawn chungin thlan dang nen inang tlanga siam zel ni tawh se a lawmawm hle ang. YMA leh VC te pawh kan strict lehzual a ngai tawh ang.