Kan nghahhleh em em leh, veng hnuai lam atanga inkhawm kawng ber pakhat Salem Biak-In hnuai Pu Nundanga In atanga Ramthar venga Pu saihlira in bula chhuak, Inkalpawhna kawng chu Salem VC hmalakna hnuaia tihzauh leh siam that hna thawh a nih hnuin tunah hian Black Top hna thawkin zawh fel a ni ta.
Helai kawng hi tun hma chuan Maruti 800 a tlan leng chang chang a, helai kawng kama ram neitute inphalna a zarah tun VC term chhunga theih tawpa VC ten tihzauh hna an thawh hnuin tunah chuan TATA 407 pawh a tlan tlang thei tawh a ni. November ni 10,2011 atang khan Black top hna hi PWD te chuan rawn thawk tanin Dt.14.11.2011 (Mon) khan zawhfel a ni. Veng chhung kawng tha kan neih theih nan helai kawngah hian VC te hnena tul zual bik atana phalna lak hmasak a nih loh chuan Pick Up aia lian Motor tlan tlang phal a ni lovang. VC ngenna ngaipawimawha Veng dang zawng aia hna hmasa-ah PWD ten min lo thawhsak theih avangin a lawmawm tak zet a ni. Mi inphalte azarah VC ten kawng hi zauh vin, kawng tha kan nei thei ta a ni. Lawmthu kan sawi e.
A thar hlimah ngei hian a hmunah hian lo thlir ve ngei teh aw..
No comments:
Post a Comment