Fai Zual Thla beihpui chu

Co-ordination Committee hmalakna-in Fai Zual Thla hmalakna chu chhunzawm mup mup mek a ni. Vawiin tlai dar 2:00 khan hmalaknate thlir letin Co-ordination Committee hi an thukhawm a, he meeting a report a nih danin  tun thlenga Fai Zual thla  hmalakna -ah hian hlawhfa tha 129 chhawr ni tawhin, Motor bawlhhlawh paih hi vawi 19 tlantir a ni tawh bawk.

Committee meetinga report-a tarlan ang chuan veng chhung kawngpui kam leh hmun ual-au laite chu hna tihfai thawkhat a ni tawh a, tlem la bak a ni. Tun thlenga Fai Zual thla beihpui thlak nana a sum hmanral tawh zat chu Rs. 35470/- a ni tawh bawk. Heng senso atan hian Salem veng chhunga chhungkaw tinte chuan sum thawhkhawmin, heng atrang hian hmalak a ni.

Vawiina Co-ordination meeting-ah hian hmalak zel dan tur kawng hrang hrangte hetianga relzui a ni -

1.   Hlawhfa ruai lutuk tawh lovin, veng chhunga Co-ordination Committee Bial thren pathumahte a bial bil te te-a hnatlang kovin hmalak zui nise.

2.   Bial thren hrang hrangte mamawha hman atan Bial tinah Rs.1000/- threuh pek nise.

3.   A trul dan azirin veng chhung hnatlang la koh nise.

4.   Co-ordination Committee memberte hian veng chhungah kal kualin chhungkaw tinte leh Bial thren hrang hranga hmalak dante endik nise.

5.   Committee hminga KNP inkhawmah FAINA chungchang sawi tura dilna chu Salem KNP ten  dt.4.9.2011 KNP inkhawmah hun  a siamsak nghal a. Hetah hian thusawi turin Pu Lalramliana, Pu Fimrosanga, Pu Ngentluanga leh Pi R.Lalbiakchhungi te ruat an ni a, member a thei apiangin tawiawm tum nise tih a ni. Tin, Kanaan KNP ten hun remchang  min pek theih chuan Pu K.Lalrohlua, Pi Lalchhuanawmi leh Pu PC.Nundanga ten thusawina hun hmang se tih a ni bawk.

6.   Salem veng chu India ram chhunga khawfai zual thlan chhuah turah Nominate ve a nih angin  an endik tur zinga pawimawh 'Zirna Ina inthiarna mumal neih' chungchangah Salem M/S chuan Zun-In an neih mumal loh avangin Co-ordination hmingin Zun-In pakhat (1) siamsak nise.

Vawiin-a meetingah hian memberte an kal thra hle a, hmalak tawh dante thlir letin duhthusam lo laite pawh sawiho a ni. A tlangpui thuin Co-ordination anga hmalakna chu an tifuh hle niin a lang a, lawmawm an tih thu leh vengin hma a sawnpui ngei an beisei thu memberte chuan an sawi.