Anganwadi Centre-II sak peih a ni ta.

Salem veng-ah Anganwadi Centre pahnih kan neina chu a rei tawh a, Centre-II zawk hi a hmunhma kan neih loh avangin building nei lova VC house hnuaiah rei fe an kal hnuin tunah chuan Lunglei District-a Anganwadi Building mawi ber leh tha ber tur kan sa zo ve leh ta e.

Internal road Black Topping zo fel ta

Kan nghahhleh em em leh, veng hnuai lam atanga inkhawm kawng ber pakhat Salem Biak-In hnuai Pu Nundanga In atanga Ramthar venga Pu saihlira in bula chhuak, Inkalpawhna kawng chu Salem VC hmalakna hnuaia tihzauh leh siam that hna thawh a nih hnuin tunah hian Black Top hna thawkin zawh fel a ni ta.

NLUP dawng tur thlang thar leh ta.

NLUP 1st Phase sem kelpui mek a nih laiin 2nd Phase a dawng turte pawh thlan chhoh leh mek a ni a, Salem veng atang pawhin  NLUP dawng thar tur mi 52 thlan thar an ni leh ta.

Salem veng bikah hian 1st phase-ah mi 51 thlan chhuah an nih angin, hengte hian sum hmahruai an dawng tawh a; tunah hian 2nd instalment pawh dawng leh mai tur an ni bawk. Hetih lai hian sorkar atanga hriattirna kan dawn angin Salem veng village Level NLUP Implementing Committee chuan Dt.4.11.2011 zan khan  meeting-in  benefifiaries mi 52 an thlang chhuak zui leh tawh bawk.

Salem veng bikah hian  Baseline survey-a chhungkaw 309 lakkhawm atangin Eligible family (NLUP dawng thei tur chin) chhungkua 187 an awm a, 1st phase-a chhungkaw 51 thlan an nih hnuah tunah hian 2nd phase a  52 thlan leh te nen hian  chhungkua 103 thlan an ni tawh a ni.

Nirmal gram Paruskar-ah Central Team lokal

Central atanga khaw fai thlanchhuah zingah kan tel ve avangin Central team te chuan October thla tir khan veng chhung an rawn endik a. Hetah hian Central team member 2 te lokalin, PHE Dept. atangin an rawn tawiawm bawk. 

Fai lawmman 3-na kan dawng

Kumin Faina Hapta-ah chuan nikum aiin tlemin kan tlahniam tlat mai. Dt.10.10.2011-a Faina Hapta Prize Distribution Programme Saikuti hall-a hman takah khan  Veng fai lawman dawngtute chu hetiang hi an ni-

1na      Zohnuai

2na      Theiriat

3na      Salem

Fai lawman 3na hi Thuziak mawi tak leh Rs.2000/- VCP Pu Lalramliana kutah hlan a ni. Tlawmngai pawlte leh chhung tinte tanhona rah a ni a, a lawmawm tak zet.

Salem Thlan Mual chei that a ni

VC leh YMA te bul hmalakna zarah tunah hian Salem Thlan Mual chu chei that hna zawhfel a ni ta a, a lawmawm hle. Hetah hian Salem mipui kan lungrual zia heath pawh hian a lang chiang hle.

Anganwadi Centre-II sak tan a ni

Hun rei tak Anganwadi Centre-II hi a hmun leh Building kan neih theih loh hnuah tunah chuan ICDS atangin VC ten Building sak nan hian Rs.160000/- (Nuai khat singruk) va ngen chhuakin Building sak hna kalpui mek a ni.